Պրոֆեսոր Դարզին Լոնդոնի կայսերական քոլեջի Գլոբալ առողջապահական նորարարությունների ինստիտուտի տնօրենն է: Նա նաեւ Լոնդոնի կայսերական քոլեջի վիրաբուժության ամբիոնի եւ քաղցկեղի հետազոտության ինստիտուտի անդամ է: Լորդ Դարզին Կատարում գործող Համաշխարհային առողջապահական նորարարությունների գագաթնաժողովի գործադիր ղեկավարն է: Նա նաեւ NHS Trust-ի կայսերական քոլեջի հիվանդանոցի եւ Royal Marsden NHS Trust-ի խորհրդատու վիրաբույժ է:

Ֆարթուն Ադանը եւ նրա դուստր Իլվադ Էլմանը ղեկավարում են Սոմալիի «Էլման» խաղաղության եւ մարդու իրավունքների կենտրոնը: Տարիներ շարունակ մայր եւ դուստր պայքարել են մարդու իրավունքների, կանանց իրավունքների պաշտպանության համար, նպաստել խաղաղաշինությանը եւ կատարել մանկահասակ զինվորների վերականգնողական աշխատանքներ։ 2010 թ. Ադանը նախաձեռնել է «Քույր Սոմալի» ծրագիրը՝ աջակցելու գենդերային բռնությունների ենթարկվածներին, որոնց հաջողվել է բռնաբարությունից հետո ողջ մնալ եւ/կամ խուսափել պարտադիր ամուսնությունից: 2011 թ․ Սոմալիի մայրաքաղաք Մոգադիշոյում նա հիմնել է սեռական բռնությունների առաջին թեժ գիծը եւ բռնաբարությունների ճգնաժամային կենտրոնը:

Դոկտոր Նուբար Աֆեյանը Flagship Pioneering ընկերության հիմնադիրն է եւ գլխավոր գործադիր տնօրենը։ Ընկերությունը բացառիկ ձեռնարկություն է, որը մարդու առողջության  ու մարդկային կայուն զարգացման բարելավման նպատակով ծրագրում, ստեղծում, ռեսուրսներ է մշակում եւ զարգացնում կենսագիտական առաջնակարգ ընկերություններ: Բիոքիմիայի ինժեներ, ձեռներեց դր. Աֆեյանը գրանցել է 100-ից ավելի արտոնագրեր եւ իր աշխատանքային 33-ամյա գործունեության ընթացքում համահիմնել ու օգնել է հիմնելու կենսագիտական ու տեխնոլոգիական ավելի քան 60 նորաստեղծ ընկերություն։ Նա COVID-19 (կորոնավիրուս) գլոբալ համավարակի դեմ պայքարի շրջանակում ՌՆԹ պատվաստանյութեր արտադրող նորարարական առաջատար ընկերության՝ «Մոդերնայի» համահիմնադիրն ու նախագահն է եւ մի շարք մասնավոր ու պետական ​​ընկերությունների խորհուրդների անդամ։ 

Բուրունդիի «Խաղաղության տուն» (Maison Shalom) խնամքի տան եւ REMA հիվանդանոցի հիմնադիրն է, ով հոգ է տարել որբերի եւ փախստականների մասին երկրում բռնկված քաղաքացիական պատերազմից հետո: Նա վերամիավորել է երեխաների, որոնք պատերազմի կամ բանտարկության պատճառով բաժանվել են իրենց ընտանիքներից, եւ ստեղծել նոր տուն որբ երեխաների համար: Երբ պատերազմը բռնկվեց, Բարանկիցեն, որը թութսի է, փորձեց թաքցնել իր 72 ամենամոտ հութու հարեւաններին՝ հետապնդումից փրկելու համար: Նրանց բոլորին, սակայն, գտան եւ տեղում սպանեցին՝ Մարգարիտին ստիպելով դառնալ այդ ոճրի ականատեսը: Սոսկալի այդ փորձությունից հետո Բարանկիցեն սկսեց փախստականներին ու երեխաներին փրկելու եւ խնամելու իր գործունեությունը: Նա փրկել է մոտ 30.000 երեխայի, իսկ 2008 թ. հիմնադրել է հիվանդանոց, որտեղ արդեն բուժում է ստացել ավելի քան 80.000 մարդ:

2011 թ. Խաղաղության Նոբելյան դափնեկիր Լեյմա Գբովեն լիբերիացի խաղաղության ակտիվիստ է, սոցիալական աշխատող եւ կանանց իրավունքների պաշտպան։ Նա հիմնադրել եւ ներկայումս նախագահում է Աֆրիկայի Գբովեի խաղաղության հիմնադրամը (Gbowee Peace Foundation Africa)։ Նա նաեւ Նյու Յորքի Կոլումբիայի համալսարանի Երկրի ինստիտուտի Կանանց, խաղաղության եւ անվտանգության ծրագրի գործադիր տնօրենն է: Նա Կանանց խաղաղության եւ անվտանգության ընկերակցության (WIPSEN-Africa) համահիմնադիրն է եւ նախկին գործադիր տնօրենը։ Կանանց խաղաղաշինության ցանցի (Women in Peacebuilding Network. WIPNET) հիմնադիր անդամ է եւ դրա լիբերիական գրասենյակի նախկին համակարգողը։

«Լյուֆթբրյուքե Իրաք» (Օդային կամուրջ Իրաք) կազմակերպության համահիմնադիր եւ տնօրեն, եզդի ակտիվիստ Միրզա Դինային իր ամբողջ կյանքը նվիրել է իրաքյան պատերազմից տուժած մարդկանց փրկելու գործին՝ տեղափոխելով կանանց եւ երեխաներին «Իսլամական պետություն» ահաբեկչական խմբավորման վերահսկողության տակ գտնվող տարածքներից,  տրամադրելով նրանց աջակցություն եւ վերականգնողական բուժում: Նա անձամբ է օգնել  ապահով վայր տեղափոխել մարդկանց, սնունդ եւ ջուր հասցրել մեկուսացած գոտիներում գտնվող եզդիներին: Նրան ետ չպահեց նույնիսկ ուղղաթիռի վթարը:

Շիրին Էբադին՝ Խաղաղության Նոբելյան մրցանակի արժանացած առաջին իրանցի եւ մահմեդական կինը,  Թեհրանի համալսարանի Իրավունքի դպրոցն ավարտելուց եւ որակավորման անհրաժեշտ քննությունները հանձնելուց հետո դարձել է դատավոր: Կարճ ժամանակում հաջողություններ գրանցելով՝ 1975 թ. դարձել դատարանի առաջին կին նախագահը: Շիրին Էբադին բազմաթիվ մրցանակների է արժանացել, այդ թվում՝ Գերմանիայում Leibniz Ring մրցանակի, Ֆրանսիայում Պատվո լեգիոնի շքանշանի, Իռլանդիայում «Գիտնականները վտանգի մեջ» (Scholars at Risk) մրցանակի: Նա մի քանի քաղաքների պատվավոր քաղաքացի է՝ ներառյալ Փարիզը եւ Ջենովան: Մինչեւ հիմա նա պատվավոր դոկտորի 26 կոչում է ստացել աշխարհի տարբեր համալսարաններում՝ ներառյալ Քեմբրիջի համալսարանը (Միացյալ Թագավորություն), Բրաունի համալսարանը (ԱՄՆ) եւ Բրիտանական Կոլումբիայի համալսարանը (Կանադա)։

Առողջապահության ոլորտի համաշխարհային փորձագետ` բժշկական տեխոնոլգիաների ոլորտի մեծագույն փորձով, որն զբաղեցրել է տարբեր ընկերությունների ղեկավար պաշտոններ զարգացող եւ զարգացած շուկաներում: Պարոն Ոսկերչյանը խորհրդատվություն է տրամադրում պետական կազմակերպությունների, կայացած ընկերությունների եւ ստարտափների՝ օգնելով դրանց փոխակերպվել, կիրառել նորարարական լուծումներ եւ բարգավաճել երկարաժամկետ հեռանկարում:

Մերի Ռոբինսոնը Դուբլինի Թրինիթի քոլեջի կլիմայական արդարության դասախոս է եւ  The Elders խմբի նախագահը: 1990-1997 թթ. նա եղել է Իռլանդիայի նախագահը, իսկ 1997-2002 թթ.՝ ՄԱԿ-ի Մարդու իրավունքների հարցերով գերագույն հանձնակատար: Նա Մադրիդյան ակումբի անդամ է եւ արժանացել է բազմաթիվ կոչումների ու պարգեւների, այդ թվում՝ ԱՄՆ նախագահ Բարաք Օբամայի կողմից Ազատության նախագահական շքանշանի: 2013-2016 թթ. ծառայել է որպես ՄԱԿ-ի գլխավոր քարտուղարի հատուկ բանագնաց երեք ուղղությամբ՝ նախ Աֆրիկայան Մեծ լճեր շրջանում, ապա Փարիզի համաձայնագրին ընդառաջ՝ կլիմայական փոփոխության մասով, իսկ 2016 թվականին դարձել է «Էլ Նինյո» երաշտի եւ կլիմայական հարցերով հատուկ բանագնաց: Նրա՝ 2010 թ. հիմնադրած Mary Robinson Foundation – Climate Justice  նախաձեռնությունը նախատեսված վերջնակետին հասավ 2019 թ. ապրիլին: 

Ռուբեն Վարդանյանը հայկական արմատներով ռուս առաջատար գործարար է, սոցիալական ձեռներեց եւ վենչուրային բարերար, «Ավրորա» մարդասիրական նախաձեռնության համահիմնադիր։ Նա իր տիկնոջ՝ Վերոնիկա Զոնաբենդի հետ ներդրումներ է կատարում գլոբալ կրթության, Կայուն զարգացման նպատակների (SDG) եւ մարդասիրական խնդիրների լուծման ոլորտներում  իրականացվող բազմաբնույթ ու լայնածավալ նախագծերում: Ռուբեն Վարդանյանն ու իր ընտանիքը տարբեր երկրների իրենց գործընկերների հետ ավելի քան 1.5 մլրդ ԱՄՆ դոլարի կոմերցիոն եւ բարեգործական բնույթի ներդրումներ են կատարել սոցիալ-ձեռնարկատիրական նախագծերում աշխարհով մեկ, որոնք ուղղված են մարդու զարգացումը խթանող ներառական էկոհամակարգի ստեղծմանը: 

Փոլ Փոլմանը IMAGINE սոցիալական ձեռնարկության համահիմնադիրն է, որը համախմբում է գործարար աշխարհի առաջնորդներին կլիմայի փոփոխության եւ գլոբալ անհավասարության հարցերի հաղթահարման շուրջ: Նա նաեւ «Բի թիմի», Սայիդ բիզնես դպրոցի եւ The Valuable 500 հարթակի նախագահն է, Միջազգային առեւտրային պալատի եւ Կայուն զարգացման համաշխարհային գործարար խորհրդի պատվավոր նախագահը եւ ՄԱԿ-ի «Գլոբալ պայմանագիր» նախաձեռնության փոխնախագահը:

Հանրահայտ քաղաքական գործիչ եւ բժիշկ Բեռնարդ Քուշները Խաղաղության Նոբելյան մրցանակի արժանացած «Բժիշկներ առանց սահմանների» կազմակերպության (Médecins Sans Frontières) համահիմնադիրն է (1971 թ.) եւ «Աշխարհի բժիշկներ» (Médecins du Monde) կազմակերպության համահիմնադիրը (1980 թ.): 2007-2010 թթ. նա զբաղեցրել է Ֆրանսիայի Արտաքին եւ եվրոպական գործերի նախարարի պաշտոնը, իսկ 1992-2002 թթ. ընթացքում երեք անգամ նշանակվել է Ֆրանսիայի Առողջապահության նախարար:

Գրող, խմբագիր եւ հրատարակիչ Դելե Օլոջեդեն ավելի քան չորս տասնամյակ աշխատում է լրագրության ոլորտում: Գործի բերումով նա եղել է 100-ից ավելի երկրում, այդ թվում նաեւ որպես New York Newsday պարբերականի գրասենյակի ղեկավար ՄԱԿ-ում, Յոհաննեսբուրգում եւ Պեկինում: Ռուանդայի ցեղասպանության հետեւանքները լուսաբանելու համար 2005 թ. արժանացել է լրագրողական ամենաբարձր պարգեւին՝ Պուլիցերյան մրցանակին: 

«Առողջապահական գործընկերներ» կազմակերպության համահիմնադիր եւ գլխավոր ռազմավար: Նա իր կյանքը նվիրել է կարիքավորներին օգնելու, ամբողջ աշխարհի ամենաաղքատ եւ անապահով համայնքների համար առողջապահական կայուն լուծումներ մշակելու եւ դրանք իրականացնելու գործին: