«Ավրորա» մարդասիրական նախաձեռնություն

Նա Flagship Pioneering ընկերության հիմնադիրն է եւ գլխավոր գործադիր տնօրենը, որն ստեղծում է կենսագիտական  ընկերություններ՝ մարդու առողջության ու մարդկային կայուն զարգացման բարելավման նպատակով: Բիոքիմիայի ինժեներ եւ ձեռներեց դոկտոր Աֆեյանն իր 36-ամյա գործունեության ընթացքում գրանցել է 100-ից ավելի արտոնագիր եւ համահիմնադրել է կենսագիտական ու տեխնոլոգիական ավելի քան 70 ստարտափ ընկերություն։ Նա ինֆորմացիոն ՌՆԹ արտադրող նորարարական առաջատար ընկերության՝ «Մոդերնայի» համահիմնադիրն ու նախագահն է:

Նուբար Աֆեյանը մուտք է գործել կենսատեխնոլոգիական ասպարեզ, երբ այն դեռ կայանում էր իբրեւ ակադեմիական ոլորտ եւ արդյունաբերություն՝ 1987 թ. պաշտպանելով կենսաքիմիական ճարտարագիտության թեմայով իր դոկտորական աշխատանքը Մասաչուսեթսի տեխնոլոգիական համալսարանում (MIT): 2000-2016 թթ. նա եղել է ավագ դասախոս Մասաչուսեթսի տեխնոլոգիական համալսարանի (MIT) Սլոունի կառավարման դպրոցում, մինչեւ 2020 թվականը՝ Հարվարդի բիզնես դպրոցում, իսկ այժմ հանդես է գալիս նաեւ որպես Մասաչուսեթսի տեխնոլոգիական համալսարանի կորպորացիայի անդամ: Նրա դասախոսությունները լայն աշխարհագրություն եւ բազմաթիվ ոլորտներ են ներառում՝  ձեռներեցություն, նորարարություն, տնտեսական զարգացում, կենսաբանական ճարտարագիտություն, նոր դեղամիջոցներ, վերականգնվող էներգիա, մարդասիրություն եւ այլն: 2022 թ. Նուբար Աֆեյանն ընտրվել է Ճարտարագիտության ազգային ակադեմիայի անդամ։

Նա արժանացել է բազմաթիվ մրցանակների՝ որպես ԱՄՆ ներգաղթյալ տնտեսական եւ գիտական առաջընթացում ունեցած իր ներդրման համար: «Ավրորայից» բացի, Նուբար Աֆեյանը նաեւ մի շարք այլ բարեգործական նախագծերի համահիմնադիր է։

Աննա Աֆեյանը, որին բախտ է վիճակվել ճանաչելու երջանկահիշատակ Վարդան Գրեգորյանին, 2022 թվականից սիրով գլխավորում է «Վարդան Գրեգորյան» մարդասիրական հիմնադրամը: 

Կենսաքիմիական ճարտարագիտության կարիերան թողնելուց հետո Աննա Աֆեյանն իր ողջ ժամանակը նվիրել է չորս երեխաներին մեծացնելու գործին եւ պետական ու մասնավոր դպրոցներում, ինչպես նաեւ հասարակական հիմունքներով աշխատող կազմակերպություններում կամավորական աշխատանքին՝ հատուկ ուշադրություն դարձնելով նորարարություններին եւ հավասարությանը կրթության ոլորտում: Ութ տարի Աննա Աֆեյանը դասավանդել է Բոստոնի «Բիքըն» ակադեմիայում. «10-ամյա ծրագիր, որը պատրաստում է սահմանափակ ռեսուրսներով համայնքների բարձր մոտիվացիայով ուսանողներին՝ հաջողելու մրցունակ ավագ դպրոցներում, քոլեջներում եւ կարիերայի ընթացքում»: Նա «Բիքընի» խորհրդին է միացել 2014 թվականին,  2015–2023 թթ. հանդես է եկել որպես Ֆինանսական հանձնաժողովի նախագահ եւ գանձապահ: Աննա Աֆեյանն ընդգրկված է նաեւ Դիլիջանի միջազգային դպրոցի (UWCD) խորհրդում եւ երիտասարդ երաժիշտների «ԵրազԱրտ» հիմնադրամի խորհրդի համանախագահն է։  

Մինչեւ 1988 թ. ԱՄՆ տեղափոխվելը՝ ներգրավվելու Schering-Plough կորպորացիայում գործընթացների զարգացման գործում, Աննա Աֆեյանն աշխատել է ինժեներ-տեխնոլոգ «Ալֆա-Լավալ» ընկերությունում (Շվեդիա): Նա կենսաքիմիական ինժեների մագիստրոսի աստիճան է ստացել Ստոկհոլմի Թագավորական տեխնոլոգիական ինստիտուտում:

Նա նաեւ Gravestar ընկերության նախագահն է: Էնթոնի Բարսամյանը Մասաչուսեթսի համալսարանի (Ամհերսթ) եւ Բոստոնի Սաֆոլքի համալսարանի իրավաբանական դպրոցի շրջանավարտ է:

2002 թվականից Էնթոնի Բարսամյանը եղել է Ամերիկայի հայկական համագումարի խորհրդի անդամ, 2002-2004 թթ. եղել է փոխնախագահ, 2003-2006 թթ.-ին՝ տնօրենների խորհրդի նախագահ, 2015 թվականից հոգաբարձուների խորհրդի համանախագահն է: 2006 թ. նաեւ «Էյ Թի Փի» բարեգործական հիմնադրամի խորհրդատվական խմբի անդամ է, որը զբաղվում է անտառների վերականգնմամբ եւ գյուղական համայնքների զարգացմամբ, եւ որի շրջանակում Հայաստանում 8 մլն ծառ է տնկվել: 

Էնթոնի Բարսամյանը վերջերս է ավարտել իր եռամյա նախագահությունը Մասաչուսեթսի եկեղեցիների խորհրդում, որը 1903 թվականին ԱՄՆ-ում հիմնադրված քրիստոնեական ամենահին էկումենիկ կազմակերպությունն է: Բարսամյանն առաջին ամերիկահայն էր այդ պաշտոնում: Որպես պատվիրակ՝ 12 տարի նա նաեւ ներկայացրել է Հայ եկեղեցու Արեւելյան թեմը Եկեղեցիների ազգային խորհրդում, երկու տարի եղել է Սահմանադրության եւ ենթաօրենսդրական ակտերի հանձնաժողովի նախագահ: 

Դեպի Հայաստան Բարսամյանի պարբերական այցերն սկսվել են 1987 թվականից: Նա 70 երկրում գործող World Link for Law միջազգային իրավաբանական ընկերությունների ցանցի գործադիր խորհրդի անդամ է: Նա գործունեություն է ծավալում առեւտրային եւ ոչ առեւտրային տարբեր ընկերություններում եւ խորհուրդներում: Հաճախակ հանդես է գալիս ելույթներով եւ տարբեր խմբերի համար պարբերաբար դասախոսություններ կարդում գույքային եւ հարկային հարցերի, գույքի եւ ընտանեկան ժառանգության պլանավորման թեմաներով Միացյալ Նահանգներում եւ Կանադայում: 

Նա NHS Trust-ի կայսերական քոլեջի հիվանդանոցի եւ Royal Marsden NHS Trust հիմնադրամի խորհրդատու վիրաբույժ է: Պրոֆեսոր Դարզին NHS Accelerated Access Collaborative-ի նախագահն է, Կատարում գործող Համաշխարհային առողջապահական նորարարությունների գագաթնաժողովի գործադիր նախագահը եւ Միացյալ Թագավորությունում Flagship Pioneering ընկերության Կանխարգելիչ առողջապահական եւ բժշկական նախաձեռնության նախագահը:

Նա նաեւ «Ֆլեմինգ կենտրոն» նախաձեռնության նախագահն է, որը համագործակցություն է NHS Trust կայսերական առողջապահական քոլեջի եւ Լոնդոնի կայսերական քոլեջի միջեւ՝ ստեղծելու «Ֆլեմինգ» կենտրոն, որը  կխթանի համընդհանուր շարժում հակամանրէաբանական դեղամիջոցների նկատմամբ դիմադրողականությունը հաղթահարելու ուղղությամբ: 

Պրոֆեսոր Դարզին ղեկավարում է միջառարկայական ակադեմիական եւ քաղաքական հետազոտությունների մի մեծ թիմ՝ հրապարակելով 1.500-ից ավելի հետազոտություններ` ուղղված կոնվերգենցիոն գիտությանը ճարտարագիտության, տվյալագիտության ոլորտներում, մասնավորապես՝ ռոբոտաշինության, զգայականության, պատկերայնության, թվային եւ արհեստական բանականության ուղղություններով: Նա Բժշկական գիտությունների ակադեմիայի եւ Թագավորական ընկերության անդամ է, Թագավորական ինժեներական ակադեմիայի պատվավոր անդամ, նախագահել է նաեւ Գիտությունների բրիտանական ընկերակցությունը:

Բժշկության եւ վիրաբուժության ոլորտում մատուցած ծառայությունների համար 2002 թ. պրոֆեսոր Դարզին ձեռնադրվել է որպես ասպետ, իսկ 2007 թ. Միացյալ Թագավորության Լորդերի պալատում  ներկայացվել է՝ որպես Դենհեմի լորդ Դարզի՝ առողջապահության գծով խորհրդական: 2009 թվականից նա Նորին մեծության ամենապատվավոր գաղտնի խորհրդի անդամ է, իսկ 2016 թվականի հունվարին ստացել է Պատվո շքանշան:

Նա ակտիվորեն ներգրավված է առողջապահական, մարդու իրավունքների, կրթության եւ արվեստի ոլորտներին ուղղված բարեգործական նախաձեռնություններում: 

Նա հաճախել է Բերքլիի Կալիֆորնիայի համալսարանը՝ ինտեգրացիոն կենսաբանության մասնագիտությամբ, լրացուցիչ՝ նաեւ անգլերենի ուղղությամբ: Այնուհետեւ ավարտել է Լոմա Լինդա համալսարանի բժշկական դպրոցը, ինչպես նաեւ Հարավային Կալիֆորնիայի համալսարանի կլինիկական օրդինատուրան: Նա անցել է փորձաշրջան, եղել կրտսեր օրդինատոր, ինչպես նաեւ տարվա ավագ օրդինատոր՝ օրդինատուրայի երեք տարիների ընթացքում:

Լոս Անջելեսի Կալիֆորնիայի համալսարանում (UCLA)  Էրիկ Էսրայիլյանն անցել է գաստրոէնտերոլոգիայի գծով վերապատրաստում, որտեղ  ստացել է նաեւ հանրային առողջության մագիստրոսի կոչում՝ NIH-ի կողմից հովանավորվող վերապատրաստման դրամաշնորհի օգնությամբ: Նա UCLA Անդերսոնի կառավարման դպրոցի շրջանավարտ է: 2010-2011 թթ. ընդգրկված է եղել Կալիֆորնիայի բժշկական խորհրդում՝ նշանակվելով նահանգապետ Առնոլդ Շվարցնեգերի կողմից: 

Դոկտոր Էսրայիլյանն առողջապահական գիտությունների կլինիկական բժշկության պրոֆեսոր է եւ ղեկավարում է Լոս Անջելեսի Կալիֆորնիայի համալսարանի Դեյվիդ Գեֆենի բժշկական դպրոցի մարսողական հիվանդությունների Վաչե եւ Թամար Մանուկյանների բաժանմունքը: 2012 թ. Բժշկական դպրոցի կողմից նրան շնորհվել է Լինսի հիմնադրամի կլինիկական գաստրոէնտերոլոգիայի ամբիոնի ղեկավարի պաշտոնը: Էրիկ Էսրայիլյանը նաեւ մի շարք բարեգործական կազմակերպությունների ղեկավար մարմինների անդամ է, այդ թվում՝ Academy Museum of Motion Pictures-ի հոգաբարձուների խորհրդի, Hammer Museum-ի տնօրենների խորհրդի, Motion Picture & Television Fund-ի կառավարման խորհրդի եւ XPRIZE-ի տնօրենների խորհրդի:

Նա սերտորեն ներգրավված է Լոս Անջելեսի Կալիֆորնիայի համալսարանի Առողջապահության եւ Դեյվիդ Գեֆենի բժշկական դպրոցի, ինչպես նաեւ ամբողջ համալսարանի ռազմավարական պլանավորման գործում: Նա նաեւ աշխատում է՝ խթանելու համայնքի եւ համալսարանական ավանի մի շարք այլ դպրոցների եւ ֆակուլտետների, ինչպես նաեւ վերջինիս լոսանջելեսյան համայնքային գործընկերների միջեւ համագործակցությունը: Էրիկ Էսրայիլյանը նաեւ համալսարանի «Երկրորդ դարի խորհրդի» համանախագահն է: Նա Կալիֆորնիայի իմունոլոգիայի եւ իմունաթերապիայի ինստիտուտի համահիմնադիրներից է, որի մասին հայտարարվեց վերջերս: 

Նա նաեւ նկարահանել է ֆիլմեր մարդու իրավունքների վերաբերյալ: Ամենանշանավորներից է Թերի Ջորջի «Խոստում» ֆիլմը, որտեղ նա հանդես է եկել որպես պրոդյուսեր, իսկ գլխավոր դերակատարներն են Օսկար Այզեքը եւ Քրիստիան Բեյլը: Նա նաեւ Ջո Բեռլինգերի հետ նկարահանել է «Ոչնչացնելու մտադրություն» ուսումնա-վավերագրական ֆիլմը, որն առաջադրվել է «Էմմիի»՝  պատմական վավերագրական ֆիլմ անվանակարգում: Այս ֆիլմերը եւ դրանց ուղեկցող սոցիալական ազդեցության տեղեկատվական արշավներն աննախադեպ ուշադրություն են բեւեռել Հայոց ցեղասպանության թեմայի վրա՝ նպաստելով ԱՄՆ կառավարության կողմից պատմական փաստերի ճանաչմանը: Արդյունքում ստեղծվեցին Կալիֆորնիայի համալսարանի «Խոստում» մարդու իրավունքների ինստիտուտը եւ «Խոստում» հայկական ինստիտուտը: 

2017 թ. Էսրայիլյանը դարձավ UCLA Optimist` միանալով նշանավոր շրջանավարտների եւ դասախոսների ցանցին, որը զբաղվում է համաշխարհային խնդիրների լուծմամբ: 2021 թ. նա Վատիկանում Հռոմի պապ Ֆրանցիսկոսի կողմից պարգեւատրվել է «Բենեմերենտի» մեդալով՝ ամբողջ աշխարհում մարդասիրական գործունեությամբ զբաղվելու համար։ 2024 թ. Էրիկ Էսրայիլյանն «Ավրորա» մարդասիրական նախաձեռնությանն է միացել՝ որպես համահիմնադիր: Իր նոր դերում նա կաջակցի նախաձեռնության զարգացմանը՝ գործունեության տասնամյակին ընդառաջ եւ հետո: 

Այդպես ընկերությունն օգնում է համայնքներին զարգացնելու իրենց դիմադրողականությունը տրավմատիկ պատմությունը ոգեկոչելու եւ վավերագրելու միջոցով:  

2017 թ. հունվարից մինչեւ 2022 թ. սեպտեմբեր տիկին Գրինվալդը եղել է Սեպտեմբերի 11-ի ազգային հուշահամալիր-թանգարանի նախագահը եւ գործադիր տնօրենը, որտեղ նա պատասխանատու էր թանգարանի ընդհանուր տեսլականի, ֆինանսական բարեկեցության, կառավարման, երկարաժամկետ կայունության եւ արդիականության համար: 2006-2016 թթ. Գրինվալդը եղել է Ցուցահանդեսների, հավաքածուների եւ կրթության գծով գործադիր փոխնախագահը եւ հուշահամալիր-թանգարանի տնօրենը: Այս պաշտոնում նա պատասխանատու էր 9/11 հուշահամալիր-թանգարանի հիմնական տեսլականի ձեւակերպման եւ իրականացման համար՝ ղեկավարելով վերջինիս ծրագրերը, հավաքագրում-ցուցադրությունը եւ կրթական նախաձեռնությունները:

Նախկինում Էլիս Գրինվալդն աշխատել է Միացյալ Նահանգների Հոլոքոստի հիշատակի թանգարանի (USHMM) տնօրեն՝ ծրագրերի գծով: USHMM-ին նրա 19-ամյա անդամակցությունն սկսվել է 1986 թվականից, երբ մշտական ցուցահանդեսի «Դիզայներական թիմի» անդամ էր: Նրա գիրքը՝ «Պատմություններ, որոնք նրանք ներկայացնում են. ցուցանմուշներ Սեպտեմբերի 11-ի ազգային հուշահամալիր-թանգարանից», որի համախմբագիրն է Քլիֆորդ Չանին, «Նյու Յորք Թայմսում» հիշատակվում է որպես 2013 թվականին Նյու Յորք քաղաքի մասին հրատարակված լավագույն գրքերից մեկը: Նա նաեւ «Չի գա այն օրը, որը քեզ կջնջի. 9/11 պատմությունը՝ ըստ Սեպտեմբերի 11-ի ազգային հուշահամալիր-թանգարանի» գրքի գործադիր խմբագիրն ու հիմնական հեղինակն է, որը 9/11 հուշահամալիր-թանգարանի մասին պաշտոնական ուղեցույցն է: 

Այժմ նա աշխատում է իր գրքի վրա, որն անդրադառնում է իր գործունեության վրա սերնդեսերունդ փոխանցվող տրավմայի ազդեցությանը՝ դիտարկելով նաեւ ցեղասպանություն իրագործողներին, ռազմական հանցագործներին եւ ահաբեկիչներին:

Դոկտոր Գրեգորյանն ավարտել է իր ծառայությունը ԱՄՆ Պետդեպարտամենտում 2024 թ. ապրիլին՝ շուրջ 25 տարի հակամարտություններին եւ հետկոնֆլիկտային մարտահրավերներին առնչվող  գործունեություն ծավալելուց հետո: Այդ թվում՝ որպես Բոսնիա եւ Հերցեգովինայի Բրչկոյի շրջանի գլխավոր ներկայացուցչի եւ ղեկավարի տեղակալ եւ Վաշինգտոնում խաղաղ գործողությունների, պատժամիջոցների եւ հակաահաբեկչության գծով տնօրեն եւ հակաահաբեկչության հարցերով համակարգողի տեղակալ: Գրեթե 14 տարի աշխատել է Բալկաններում՝ պատասխանատվության ենթարկելով ռազմական հանցագործներին, միաժամանակ օգնելով պատերազմից տուժածներին՝ գտնելու եւ արժանապատվորեն հողին հանձնելու իրենց հարազատներին: Որպես ՆԱՏՕ-ի պաշտոնյա՝ աննախադեպ բանակցություններ է վարել Բոսնիայում նախկինում իրար դեմ պատերազմող երեք խմբավորումներից մեկ միասնական բանակ ստեղծելու ուղղությամբ:

Րաֆֆի Գրեգորյանը բանակցություններ է վարել ՄԱԿ-ի Անվտանգության խորհրդի ահաբեկչության դեմ պայքարի վերաբերյալ հիմնական բանաձեւերի շուրջ, այդ թվում՝ բոլոր երկրների կողմից հայտնի եւ կասկածելի ահաբեկիչներին, միջազգային հետախուզման մեջ գտնվող այլ հանցագործներին բացահայտելուն ուղղված համակարգեր ներդնելու համար: Նա եղել է ՄԱԿ-ի ահաբեկչության դեմ պայքարի գրասենյակի ստեղծման ջատագովը՝ 2019 թ. դառնալով առաջին տնօրենը, միաժամանակ ծառայելով որպես Գլխավոր քարտուղարի տեղակալ Գլխավոր քարտուղարի տեղակալների կոմիտեում:

13 տարի նա ծառայել է որպես Ռազմածովային ուժերի պահեստային հետախուզության սպա` ակտիվ ծառայություն իրականացնելով Բոսնիայում, Կոսովոյում եւ Միացյալ շտաբում: Գրեգորյանն իր գործունեությունն սկսել է որպես ԱՄՆ բանակի պատմաբան, այնուհետեւ աշխատել որպես ավագ վերլուծաբան՝ նախքան կառավարություն վերադառնալը:

Րաֆֆի Գրեգորյանն արժանացել է կառավարության եւ ռազմական մի շարք պարգեւների, ստացել է Ջոնս Հոփքինսի միջազգային առաջադիմական հետազոտությունների դպրոցի ռազմավարական գիտությունների դոկտորի աստիճան, Լոնդոնի Քինգս քոլեջի պատերազմական գիտությունների մագիստրոսի աստիճան եւ Փենսիլվանիայի համալսարանի բակալավրի աստիճան:

Նա ամուսնացած է Էմի Էլիզաբեթ Քորդեսի հետ: 

Ջիլավյանը ղեկավարում է «Հայաստան 2041» բարեգործական հիմնադրամը, որի նպատակն է ըմբռնման համընդհանուր շրջանակ ստեղծել Հայաստանի՝ որպես երկրի, եւ հայության՝ որպես ազգի կայուն զարգացման շուրջ։

Լինելով Մոսկվայի Լոմոնոսովի անվան պետական ​​համալսարանի շրջանավարտ եւ բանասիրական գիտությունների թեկնածու՝ Արման Ջիլավյանն ունի ավելի քան 20 տարվա աշխատանքային փորձ հրատարակչության, հաղորդակցության եւ լրատվամիջոցների կառավարման ոլորտում: Որպես IDeA բարեգործական հիմնադրամի խորհրդի նախագահ եւ UWC Դիլիջան միջազգային դպրոցի Կառավարման խորհրդի անդամ՝ Արման Ջիլավյանն ակտիվորեն ներգրավված է Հայաստանում զարգացման եւ կրթական մի շարք նախաձեռնություններում:

Նա պատասխանատու է Flagship ընկերության կորպորատիվ հաղորդակցության ռազմավարության եւ սոցիալական ազդեցության նախաձեռնության մշակման եւ իրականացման համար:

Լորա Քլայնը կազմակերպությունների հաղորդակցության ղեկավարման, ինչպես նաեւ համաշխարհային ընկերությունների հեղինակության բարձրացման, խնդիրների կառավարման եւ նպատակային հաղորդակցության գծով խորհրդատվություն տրամադրելու հարուստ փորձ ունի: Նախկինում  նա աշխատել է «Ռոքֆելլեր» հիմնադրամի հաղորդակցությունների եւ ծրագրերի ազդեցության գծով տնօրեն` համակարգելով հաղորդակցության թիմի աշխատանքները՝ առաջ մղելու հիմնադրամի նախաձեռնությունները: 

Դրանից առաջ Լորա Քլայնը եղել է Նյու Յորքի Weber Shandwick համաշխարհային հաղորդակցության գործակալության գործադիր փոխնախագահ եւ սոցիալական ազդեցության գործընթացների ղեկավար: Նա սերտորեն համագործակցել է նպատակային բրենդերի եւ առաքելության վրա հիմնված կազմակերպությունների հետ՝ խթանելու երկխոսությունը, խորացնելու ներգրավվածությունը եւ հասնելու ազդեցության: Նա նաեւ մի քանի տարի եղել է գործակալության Կորպորատիվ հարցերի թիմի ավագ անդամ՝ խորհրդատվական աջակցություն տրամադրելով հաճախորդներին: Լորա Քլայնն իր գործունեությունն սկսել է Benjamin Group տեխնոլոգիական հաղորդակցության ընկերությունում: 

Լորա Քլայնը Միջազգային հարաբերությունների մագիստրոսի աստիճան է ստացել Նյու Յորքի համալսարանում եւ անգլերենի բակալավրի աստիճան՝ Լոս Անջելեսի Լոյոլա Մերիմաունթի համալսարանում: