« «Ավրորա» մրցանակի մասին ռադիոյով ասացին, որ այն մեծարանքի է արժանացնում բարությունն ու ոգեղենությանը։ Հրաշալի հավակնորդներ կան, շատ ճիշտ գործ են անում։ Իմ հայրը զոհվել է Երկրորդ համաշխարհային պատերազմին։ Խորթ հայրս շատ լավ մարդ էր, բայց վատառողջ էր՝ գամված էր անկողնուն։ Ես ու մայրս յոթ տարի խնամեցինք նրան։ Մենք բոլորս էլ պետք է օգնենք միմյանց, իրար հետ լինենք, միասին»։

Միքայել. «Ես համարում եմ, որ այս մրցանակը մարդկանց հնարավորություն կտա նոր՝ ավելի դրական տեսանկյունից նայելու Հայաստանին։ Մեր երկրի համար սա իրոք փայլելու առիթ է։ Մենք բազում լավ որակներ ունենք, բայց թվում է՝ վերջերս դրանք մոռացության ենք տվել։ Մարդ պետք է բարի լինի, բայց միեւնույն ժամանակ՝ նաեւ համեստ»։

Արփինե. «Մեր ժողովուրդն ավելի լավատես լինելու առիթ կունենա»։

«Ամբողջ աշխարհը մեզ առաջին հերթին ընկալում է որպես Ցեղասպանություն ապրած ժողովուրդ։ Լավ է, որ “Ավրորա” մրցանակը մարդկանց հնարավորություն կտա տեսնելու Հայաստանի մեկ այլ կողմը՝ այն, որը նրանք դժվար թե երբեւէ տեսնեին։ Ես ուզում եմ, որ մեզ դադարեն վերաբերվել որպես ողբացող ու ողբերգական ազգի»։

«Հայաստանի պատմությունը մի նախազգուշացում է այլ երկրների համար առ այն, որ մենք թույլ չտանք, որ նման ողբերգությունները երբեւէ կրկնվեն։ Ես ի սրտե ողջունում եմ “Ավրորա” մրցանակի նախաձեռնությունը։ Այսօր մենք ինքներս մեզ պիտի օգնենք, այլ ոչ թե նստենք ու սպասենք, թե երբ է մեկնումեկը գալու եւ մեզ փրկի։

Պապիս խորթ մայրը Ցեղասպանության վերապրող էր։ Նա հաջողացրել է գտնել իր եղբորը, որն ապրում էր արաբի ընտանիքում՝ ծանրագույն պայմաններում։ Ֆրանսիացի միսիոներների օգնությամբ՝ նրանք երկուսով կարողացան վերադառնալ Հայաստան։

Ես ուզում եմ, որ աշխարհը հասկանա, որ մենք այլեւս չենք ուզում, որ մեզ խղճան կամ օգնեն։ Մենք ընդամենն ուզում ենք հասկացված լինել, ուզում ենք, որ ճանաչեն Ցեղասպանությունը»։

«Իմ կարծիքով՝ «Ավրորա» մրցանակը, ինչպես բարությանն ուղղված ցանկացած այլ քայլ, անպայման արդյունք է տալու։ Գուցե մենք դա հիմա չզգանք, բայց ապագայում հաստատ լինելու է»։

««Ավրորա» մրցանակը մարդկայնության մասին է։ Նախնիներս ապրելիս են եղել Շիրակի մարզի Ղուկասյանի շրջանում, որն ընկած է Թուրքիայի սահմանին։ Հայրս հրաշքով է կենդանի մնացել՝ նա ստիպված է եղել թաքնվել դիակների կույտում։ Թուրքերը փորձել են առեւանգել նրան, սակայն քրդերը փրկել են, ու նա կարողացել է վերադառնալ Հայաստան։ Իմ ծնողներն ինձ միշտ պատմել են սրա մասին, որպեսզի ես էլ ապագա սերունդներին փոխանցեմ ընտանիքիս գոյապայքարի պատմությունը եւ բացատրեմ նրանց այն ողբերգությունը, որով որպես ազգ ստիպված ենք եղել անցնել»։

«Ես կարծում եմ, որ սա անչափ յուրահատուկ մրցանակ է, քանի որ այն պատվում է ոչ միայն մարդասիրության գործում ներդրում ունեցած մարդկանց, որպիսիք շատ են աշխարհում, այլ նրանց, ովքեր հսկայական վտանգների են գնացել դա անելու համար։ Եվ իհարկե, նաեւ պարգեւատրում է այն կազմակեպություններին, որոնք կանգնած են եղել այդ ամենի ետեւում, ինչը ոչ մի մրցանակ ոչ մի տեղ չի անում։ Իսկ դա արդեն ճանաչման շատ կարեւոր մի ձեւ է»։

«Շատ եմ սիրում, երբ ջանքեր են գործադրվում աշխարհի տառապանքների վրա մարդկանց ուշադրությունը կենտրոնացնելու համար, սակայն գիտեմ նաեւ, որ այդ տառապանքը միեւնույն է կա եւ երբեք չի ընդհատվում։ Այստեղ մենք խոսում ենք մասնավորապես Հայաստանի վերաբերյալ, բայց չմոռնանանք, որ արդեն տասը տարի է, ինչ Կոնգոյում պատերազմ է, որին զոհ է գնացել մոտ հինգ միլիոն մարդ։ Մարդկանց մեծամասնությունը գաղափար անգամ չունի սրա մասին։ Այնպես որ ես մի քիչ թերահավատ եմ, բայց իհարկե հիանում եմ գործադրված ջանքերով»։ 

«Շատերը կան, որոնց մենք չենք տեսնում, բայց նրանց, ում տեսնում ենք, մենք պարտավոր ենք մեծարել, եւ օրինակ դարձնել ուրիշների համար, որպեսզի յուրաքանչյուրը, իմանալով որ ճիշտը մի բան անելն է, այլ ոչ թե լռելը, բավարար կամք ունենա գործելու համար»։

««Ավրորա» մրցանակը ստեղծագործական գաղափար էր, նորություն։ Երբ մեկնումեկը մտածում է նորովի եւ նոր մոտեցում ցուցաբերում խնդիրներին, դա հիացնում է ոչ միայն ուրիշներին, այլեւ հենց հայերին։ Պետք է ինչ-որ բան վերադարձնել աշխարհին՝ սա երկկողմանի երթեւեկությամբ փողոց է»:

«Այս քայլը ոչ միայն հետաքրքիր էր, այլեւ խորհրդաբանորեն բացառիկ։ Ինչո՞ւ։ Քանի որ երբ տառապանքներ կրած ժողովուրդը կարողանում է վերածնվել եւ ի նշանավորումն իր վերազարթոնքի՝ արդեն ինքն է իր հերթին ինչ-որ բան տալիս այլ տառապյալներին, դա դառնում է կարեւոր ուղերձ նոր սերնդի համար առ այն, որ մենք չենք կառուցում միայն կորուստների վրա։ Մենք գցում ենք նաեւ հաղթանակների հիմքերը»։

««Ավրորա» մրցանակին աջակցելը մեծ բարիք է Հայաստանի համար»։