«Ավրորա» մարդասիրական նախաձեռնությունը վերափոխում է հայկական փորձառությունը համաշխարհային շարժման, որը կոչված է մեզնից յուրաքանչյուրին ոգեշնչելու գործի՝ հանուն մարդկության եւ մարդկային կյանքի։ Հեղինակավոր միջազգային գործիչներից կազմված Ընտրող հանձնաժողովի հետ միասին «Ավրորայի» ծրագրերն առնչվում են ողջ աշխարհին: «Ավրորան» գործակցում է մարդկային կյանքի փրկությամբ զբաղվող տասնյակից ավելի երկրներում՝ աշխարհի հինգ մայրցամաքում: «Ավրորա» մարդասիրական նախաձեռնությունը կրթաթոշակներ է տրամադրում 9 երկրից ուսանողներին:
«Ավրորան» Aurora Dialogues քննարկումների միջոցով աշխարհի մի շարք մայրաքաղաքներում անդրադառնում է մարդկության ապագային առնչվող հրատապ արդի խնդիրներին հումանիտար գործիչների, քաղաքացիական առաջնորդների եւ այլ հեղինակավոր անհատների մասնակցությամբ: 2015թ. մեկնարկից ի վեր, «Ավրորա» մրցանակը ստացել է 2.000 առանձին թեկնածուների ավելի քան 2.800 առաջադրում՝ մոտ 125 երկրներից եւ ավելի քան 20 լեզուներով։ Այս տարիների ընթացքում ընտրվել է 14 «Ավրորայի» հերոս: