«Ավրորա» մրցանակի Ընտրող հանձնաժողովի անդամ դոկտոր Շիրին Էբադին իրանցի իրավաբան է, նախկին դատավոր եւ մարդու իրավունքների ակտիվիստ։ 2003թ. հոկտեմբերի 10-ին պարգեւատրվել է Նոբելյան մրցանակով ժողովրդավարության եւ մարդու (հատկապես՝ կանանց, երեխաների ու փախստականների) իրավունքների եւ գործում ունեցած նշանակալի ավանդի եւ նախաձեռնողականության համար։
«Հանրությունը ողջ աշխարհում գնահատում և արժեւորում է մարդու իրավունքների համար պայքարողներին: Ամենակարեւորն այն է, որ մարդը փորձում է լսելի դարձնել իրեն եւ ավելացնել մարդու իրավունքների համար պայքարողների թիվը»: