Ալպբախի եւրոպական ֆորումի նախագահ եւ Եվրահանձնաժողովի նախկին անդամ Ֆրանց Ֆիշլերին մտահոգում է հաղորդակցության պակասը ճգնաժամերի հետ գործ ունեցող պատասխանատուների միջեւ:
«Եվրոպայի ղեկավարների միջեւ վստահության պակասը պատճառներից մեկն է, որ չի կայանում իրական երկխոսություն»,- նշեց նա:
Խաղաղության եվրոպական ինստիտուտի գործադիր տնօրեն Մայքլ Քիթինգն ընդգծեց, թե որքան կարեւոր է, որ հետաքրքրված կողմերը նստեն մեկ սեղանի շուրջ եւ լուծումներ փնտրեն:
«Հաճախ հումանիտար ճգնաժամերը քաղաքական ձախողումների հետեւանք են, երբ վեճերը չեն լուծվում, իսկ կողմերը ներգրավված չեն խնդրի լուծման գործում՝ քաղաքացիական հասարակություն, մասնավոր հատված, կանայք, երիտասարդներ: Մենք կարիք ունենք իրական գործընկերների»,- նկատեց նա:
«Բիլ եւ Մելինդա Գեյթս» հիմնադրամի եվրոպական գրասենյակի ղեկավար Անյա Լանգենբուխերը խոսեց կառույցների մասին, որոնք կարող են, բայց չեն էլ փորձում ամեն ինչ միանգամից ջրի երես հանել:
«Ի վերջո, յուրաքանչյուր խաղացող պետք է ամեն ինչ անի: Մենք գիտենք, թե ինչն է ազդեցություն թողնում: Հստակ տեսնում ենք, թե որ երկարատեւ միջոցառումներն են կանխում ճգնաժամերը: Մենք քաղաքական ֆիգուրներ չենք: Այս տեսանկյունից, կարծում եմ, պետք է ջանք չխնայենք»,- ասաց նա:
Մյունխենյան անվտանգության համաժողովի նախագահ Վոլֆգանգ Իշինգերն իր մտքերը բարձրաձայնեց կոնֆլիկտային իրավիճակներում միջազգային իրավունքով իրականացվող մարդասիրական աշխատանքի մասին:
«Ես ռազմական ուժի կիրառման պաշտպան չեմ, բայց բռնակալների գոյությունն ինչպես օրինակ՝ Սիրիայում, մտահոգիչ է: Այս տեսանկյունից մեր խնդիրն է կանխել ահաբեկիչների հաջորդ սերնդի ձեւավորումը»,- հայտարարեց նա:
Զրույցն ամբողջությամբ կարող եք դիտել անգլերենով.