Ռուսաստանի ներխուժումը Ուկրաինա վերափոխել է աշխարհը՝ Եվրոպայում ստեղծելով մարդասիրական ամենամեծ ճգնաժամը Երկրորդ համաշխարհային պատերազմից հետո: Միլիոնավոր մարդիկ վտանգի մեջ են, ավելի քան մեկ միլիոնը՝ տեղահանված:
«Ավրորա» համաշխարհային մարդասիրական մրցանակը հանձնառու է առաջ մղել մարդասիրական գործունեությունն ամբողջ աշխարհում: «Ավրորա» մարդասիրական նախաձեռնությունը եւ մրցանակը կոչ են անում միջազգային հանրությանը կենտրոնացնելու կարեկցանքն ու ողջ կարողությունները՝ բանակցելու անհապաղ հրադադարի եւ խաղաղ կարգավորման շուրջ: Մենք կոչ ենք անում համաշխարհային առաջնորդներին՝ միավորելու իրենց մարդասիրական ջանքերը՝ փրկելու վտանգի մեջ գտնվող մարդկանց կյանքը եւ կանխելու նրանց հետագա տառապանքները:
«Ավրորա» համաշխարհային մարդասիրական մրցանակը ճանաչման է արժանացնում նրանց, ովքեր վտանգում են իրենց կյանքը, առողջությունը կամ ազատությունը՝ փրկելու այլոց կյանքը, առողջությունը կամ ազատությունը: «Ավրորա» մարդասիրական նախաձեռնության մաս կազմող «Ավրորա» մրցանակն ստեղծվել է 2015 թվականին՝ 1915 թ. Հայոց ցեղասպանությունը վերապրողների անունից՝ ի երախտագիտություն նրանց փրկողների:
Նուբար Աֆեյան եւ Ռուբեն Վարդանյան
«Ավրորա» մարդասիրական նախաձեռնության համահիմնադիրներ
Լորդ Արա Դարզի
«Ավրորա» մրցանակի Ընտրող հանձնաժողովի նախագահ
Բժիշկ Թոմ Քաթինա
«Ավրորա» մարդասիրական նախաձեռնության նախագահ
Լուսանկարը` Դեն Քիթվուդի/Getty Images